A auga está presente ó longo destas terras a través dos ríos que artellan o territorio e que marcan a xeografía de Lalín. Os ríos Asneiro e Deza delimitan o municipio recollendo augas de moitos regatos formados nas diferentes cumes. Conforman ademais numerosos espacios naturais e de tempo libre relacionados coa auga e dispostos ó longo de todo o municipio.

Muiños de Mouriscade.
Praia fluvial Pozo do Boi.
Paseo do Pontiñas.

A relación do home e a terra é unha constante en Lalín, fortemente unida á tradición e á cultura da nosa comunidade. Esta unión ven marcada tanto polos espacios naturais, representativos do municipio, como polas evocacións e actividades delas xurdidas como a agricultura e a gandeiría, fundamentais no desenvolvemento da vila.

Museo Etnográfico Casa do Patrón. Na parroquia lalinense de Doade.

Museo da Paisaxe. Nas parroquias de Mouriscade, Zobra e Doade.

Montes de Zobra e Serra do Candán. Fraga de Catasós. Carballeira de Barcia.

Da terra extraemos tamén a pedra, coa que os canteiros deron vida a unha riqueza monumental importantísima.

Ruta das igrexas. Donramiro, Goiás, San Martino, Soutolongo, Corpino.

Ruta dos Pazos. Des, Bendoiro, Linares, Anzuxao,...

O aire é un elemento moi significativo en Lalín. Por un lado fai referencia á pureza do seu entorno, marcado principalmente pola existencia de importantes espacios naturais. Por outro lado, o aire evoca neste concello unha alusión ós sonos, representado pola figura do aviador Loriga.

Pazo de Linares. Casa natal de Xoaquín Loriga.

Monumento a Loriga.

Lugar de "O Toxo". O primeiro "aeródromo" de Galicia.

Lume para encender os fogóns que fan famosas a estas terras. Lume para as brasas nas que cocinar as excelentes carnes de vacún ou para quentar pouco a pouco, con carino, as potas nas que cocer as decenas de elementos que componen a nosa sinfonía culinaria por excelencia: O Cocido de Lalín.

Lume para prolongar as sobremesas cheas de anécdotas e lendas. Lume de vida e de praceres.