A gastronomía no concello de Lalín, ó igual que na totalidade de Galicia, conforma case unha relixión. En torno a diferentes manxares realízanse celebracións nalgunhas das parroquias do municipio ó longo de todo o ano. Os productos estrela son os cárnicos e os embutidos.
De todos é coñecida a famosa Feira do Cocido, unha celebración adicada por completo á veneración do porco na cocina. Pero tamén outras parroquias celebran festexos na honra de alimentos derivados deste animal.
Bermés celebra o día 14 de agosto de cada ano a Festa do Xamón coa finalidade de promover este excelente producto da zona. Ano a ano milleiros de persoas tenen a posibilidade de degustar o xamón acompanado por bo vino nesta parroquia lalinense.
Os magostos, onde as castañas pasan a ser as protagonistas, ou as festas de San Xoan, onde as sardiñas son o prato principal, conforman outras das celebracións gastronómicas da zona.
Sen olvidar a altísima calidade das pulpeiras e pulpeiros destas terras que fan chegar a este producto do mar á súa máxima expresión gastronómica, combinado co exquisito pan que cada día sae de decenas de fornos ó longo de todo o concello.
A Feira do Cocido
Dende o ano 1969 a Feira do Cocido celébrase o domingo anterior ó Entroido, convertendo a Lalín nunha das referencias gastronómicas do noroeste español.
Esta feira, declarada Festa de Interese Turístico no ano 1999, susténtase nos hábitos tradicionais da matanza do porco e aproveitando a sabedoría das cocineiras e cocineiros de antaño. Compleméntase ademais con diversas actividades culinarias, lúdicas, culturais e deportivas durante un mes. De San Mauro a San Valentín, Mes do Cocido en Lalín ou a Matanza Tradicional.
Baixo esta consigna, cada ano arredor dunha trintena de restaurantes implícanse nunha campana especial (mes do cocido) para ofrecerlle ós comensais a posibilidade de enfrentarse con sosego e boa compaña á contundencia deste prato.
O cocido súmase á altísima calidade das carnes de tenreira destas terras, que nutre parrilladas e asadores de fama máis alá das fronteiras da comarca e de Galicia.
|
